Goizaldeko 02:55ean izan zen erasoa, Iruñeko (Nafarroa) Biurdana parke inguruan. Bi gizonek irain homofoboak egin zizkieten bi pertsonari, eta, salatu dutenez, bandera koloreanitz bat aurkitu zuten handik gertu, erreta.
Erasotuek eman zuten gertakarien berri. Bi gizonezkoak haiek iraintzen eta mehatxatzen hasi zirenean, ahal bezain laster alde egin zuten. 25 eta 30 urte dituzte erasotzaileek, eta gorroto-delitu bat egotzi diete.