Atzo, apirilaren 14an, garraiolari bat hil zen Hernanin (Gipuzkoa). Getzeko (Nafarroa) Transportes Petroliferos Coordinados SM enpresarentzat jarduten zuen soldatapean, eta Hernaniko gasolindegi batean gelditu zen gasolina hartzeko. Bertan, ordea, osasun-arazo bat izan zuen, eta hil egin zen. 57 urte zituen.
Urtea hasi zenetik, Euskal Herrian, gutxienez hemezortzi beharginek galdu dute bizia soldatapean lanean, lanera bidean edo lanetik bueltan.