Gizonezko batek emakume bati eraso egin dio Laudion

Iragan larunbatean izan zen erasoa Laudioko etxebizitza batean. Gero, salaketa aurkeztu zuen emakumeak. Salbuespen egoeran Laudion salatu duten bigarren erasoa da, gutxienez.

Larunbatean, hilak 16, emakume bati eraso egin zion gizon batek Laudioko (Araba) etxebizitza batean, arratsaldeko lehen orduan. Bizilagunen esanetan, 15:00ak aldera eztabaidak entzun zituzten atarian. Aiaraldea-ri jakinarazi diotenaren arabera, handik ordu erdira etxebizitzara bertaratu zen Ertzaintza, emakumeak erasoa salatu zuenean. Ertzainek atxilo eraman zuten erasotzailea.

Honekin, gutxienez bi dira salbuespen egoeran Laudion salatu dituzten eraso matxistak. Apirilaren hasieran gertatu zen azkenekoa

in AKTUALITATEA

# Indarkeria matxista

Zazpigarren gose eta egarri greba eguna hasi du Patxi Ruizek, eta bigarren gose greba eguna Mikel San Sebastianek

Borrokaldiarekin aurrera jarraitzen duela adierazi du preso politiko txantrearrak. Giltzurrunetan min handia du, eta 10,5 kilo galdu ditu. Atzotik bi eguneko gose greban dago Mikel San Sebastian preso politikoa, Ruizekin elkartasunean. Janariaren bandejari uko egin dio hilaren 14tik. "Txapeoan" segitzen dute Ibai Aginagak eta Jon Kepa Preciadok, eta janariari uko egiten ari dira Dani Pastor, Oskar Barreras eta Asier Cotano. Bestalde, gose greban jarraitzen dute Ezkerraldeko hiru kidek eta Ondarroako hainbat pertsonak, eta barau-egunekin aurrera doaz Bilbon, Ezkerraldean nahiz Deustun. Gaur ere mobilizazioak izango dira Euskal Herriko kaleetan.