"Arrakastatsua"; horrela definitu du Irizar E-Mobility enpresako langile batzordeak greba mugagabearen lehen jardunaldia. Batzordearen arabera, hitzarmen berria sinatzeko negoziaketetan ez dago aurrerapenik, eta blokeo egoera horrekin amaitzeko, greba mugagabeari ekin diote gaur.
"Gure eskakizunak oso sinpleak dira: lan berdina egiteagatik guztiei soldata bera ordaintzea, bizitza pertsonal eta familiarraren arteko kontziliaziorako neurriak hobetzea, Gipuzkoako metaleko hitzarmeneko neurri guztiak errespetatzea, eta lantegitik kanpo egiten diren lanen baldintzak hobetzea", adierazi du batzordeak.
Beraz, langileek eskatutako baldintzak onar ditzala eskatu diote enpresari, eta hala ez bada, grebarekin jarraituko dutela adierazi dute.