IAk Herri Eskolak egingo ditu otsailaren 27an

"Infantilizazioa" izango da eskualde guztietan landuko duten gai amankomuna. Dozena bat eskualde baino gehiagotan gauzatuko dira Ikasle Abertzaleakek "jaiegun arrotzetatik" kanpo antolatutako lehen Herri Eskolak.

Datorren larunbaterako, otsailak 27, Herri Eskolak prestatu ditu Ikasle Abertzaleakek hainbat eskualdetan. Zergatik infantilizatzen gaituzte? izenburu duen auzia jorratuko dute guztietan, leku bakoitzean prestatu dituzten bestelako lanketez zein eskaintza kulturalaz gain.

Aurten ikasturte osoan zehar egingo dituzte Herri Eskolak IAko kideek, "formakuntza politikoa" lantzeko bidean, "IAren jardunaz hausnartzeko eta militanteen arteko harremanak sendotzeko espazioak sortzeko" asmoz, antolakundeak GEDAR LANGILE KAZETAri azaldu dionez. Oraingoan, IKAS plataformaren kanpainarekin lotuz, "ikasleen infantilizazioa eta horrek betetzen dituen funtzioak" izanen dituzte hizpide.

DEIALDIAK

Nafarroa

Gipuzkoa

Bizkaia

in AKTUALITATEA

# Euskal Herriko Ikasle Antolakunde Sozialista Herri Eskolak

'Iraganeko ikaspenetatik sozialismora' lelopean, Kontseilu Sozialista Gasteizek zenbait ekimen antolatu ditu martxoaren 3ari lotuta

"Memoriaren barrikadan ekarpen xumea" egin eta, 1976ko greba eta mobilizazio zikloaren 45. urteurrenean, hainbat ekimen antolatu ditu Kontseilu Sozialista Gasteizek. Besteak beste, martxoaren 3ko mobilizazioan "Bloke Sozialista" osatzera dei egin dute Kontseilu Sozialistako kideek, 17:15ean Rafa plazan. Gasteizko GKSk martxan du martxoaren 3aren harira prestatutako egitarau propioa, 'Zapaldu guztien omenez, klase independentzia eraiki' aldarri hartuta.