Ikusgai dago 'Burdin Hesia' programaren hamabigarren atala

Ukrainako gudak leher egin duen honetan, NATO izan dute hizpide 'Burdin Hesia'-n; bere historiaz eta gerran izaten ari den zereginaz aritu dira. Jon Kortazar historialaria ere elkarrizketatu dute oraingoan.

Joan den igandean, martxoaren 13an, argitaratu genuen Gedar Telebista-ren Burdin Hesia programako hamabigarren atala: NATO, atzoko eta gaurko gerrak. Lerroburu guztiak Ukrainako gerraz ari diren honetan, Ipar Atlantikoko Itunaren Erakundeari buruz aritu dira saioan, bere historia eta hainbat gudatan, tartean Ukrainakoan, izandako parte-hartzea aztertuta.

Martin Goitiandia aurkezleak gidatu du atala, eta mahaiaren bueltan izan dira Maddi Sarasua, Manex Gurrutxaga, Garazi Navarro eta Txaber Altube tertulianoak. Saio honetan, gainera, Jon Kortazar historialaria elkarrizketatu du Haizea Uzkudunek.

Martxoaren 27an egongo da ikusgai Burdin Hesia-ren hurrengo atala, hamahirugarrena. 20:30ean emango dugu argitara saioa.

Hona hemen Burdin Hesia-ren hamabigarren saioa, osorik:

in AKTUALITATEA

# Burdin Hesia Gedar Telebista

Ez dute kartzelara joan beharko Errotxapeako Gaztetxearen desalojoa dela-eta epaitutako lagunek

Fiskaltzaren kartzela-zigor altuak saihestea lortu dute sei akusatuek, akordio baten bidez; bederatzi hilabeteko zigorrak ezarri dizkiete gazteetako bosti eta, gainera, isunak jarri dizkiete hiruri. Desalojo baten aurka protesta egiteagatik zigor horiek jaso izana problematizatu dute auzipetuek, eta Langile Kontrolpeko Espazioen defentsaren aurkako eraso modura ulertzen dute prozesu judizial osoa.