Ipar Euskal Herrian ere sartuko da Frantziako Armada

Frantziako Armadak Baionan esku hartzea aurreikusi dute, baina baliteke Ipar Euskal Herriko beste saltoki-gune eta hondartza batzuetan ere sartzea, "zaintza-lanetan" jarduteko.

Frantziako Estatuko hainbat gunetan kaleak hartu ditu jada Frantziako Armadak. Alarma egoeraren barruan, militarrek Erresilientzia Operazioa delakoa jarri zuten martxan martxoaren 25ean, eta aurreikuspenen arabera, aurki sartuko dira Ipar Euskal Herrian ere. "Babes eta zaintza-lanak" egingo dituztela adierazi dute.

Antza, Baionan (Lapurdi) esku hartuko dute. Dena den, baliteke beste herri batzuetako saltoki-guneetan eta hondartzetan ere jardutea.

Hego Euskal Herrian ere sartu da Espainiako Armada, tartean, Gasteizen (Araba).

in AKTUALITATEA

# Autoritarismoa

E-mail bat jarri du martxan Gerizpek, "emakume langile izateagatik jasaten ditugun zapalkuntza zehatzak jakinarazteko eta salatzeko"

Gerizpek, Tolosaldeko Emakume Langileon Defentsa Taldeak, e-mail helbide bat jarri du martxan, "emakume langileok eskualdean bizitzen ari garen egoera ezagutu eta informazio andana elkartu" asmoz. Gainera, erasotuak diren subjektuen sare bat sortzeko eta Gerizpe antolakuntza tresna modura indartzeko ere erabiliko dute e-mailaren bidezko kontaktua. Covid-19aren hedapenak eragindako testuingurua ofentsiba kapitalistaren baitan aztertu dute taldeko kideek, eta egoera horretan emakume langileak jasaten dituen zapalkuntza modalitate ezberdinak azaldu dituzte.