Noyb Gobernuz Kanpoko Erakundeak Spotifyren kontrako salaketa bat aurkeztu zuen 2019an, Austrian; gero Suediara tokialdatu zuten prozesu judiziala, Stockholmen baitago enpresaren egoitza nagusia. Datuen erabilerari lotuta jarri zuen salaketa Noybek: salatu zuen Spotifyk zaildu egiten duela jakitea zehazki zer egiten duen erabiltzaileen datuekin.
Legez, datuen babesaren inguruko Europako araudiak dio erabiltzaileek eskubidea dutela jakiteko "zeintzuk diren enpresa batek haiei buruz dituen datuak". Spotifyk, gainera, ez omen du zehazten nola erabiltzen dituen datu horiek eta zer onura lortzen duen horien bidez.
Noybek salaketa aurkeztu eta lau urtera, Datuak Babesteko Suediako Agintaritzak bost milioi euroko isuna jarri dio enpresari, datuen babesari buruzko Europako legedia urratzea leporatuta.
Joan den apirilean emandako datuen arabera, 500 milioi erabiltzailetik gora ditu Spotifyk, eta horietatik 210 milioi inguru daude plataforman harpidetuta.