Larriki zauritu da langile bat Izaban

Baso-mozketa lanak egiten ari zen 45 urteko langile bat zauritu da eguerdian, 10 metro baino gehiagoko zuhaitz bat gainera jausita.

Eguerdiko 12:00etan jazo da lan-istripua. Azaldu dutenez, 10 metro baino gehiagoko pinu bat erori zaio gainera Nabaskozeko (Nafarroa) langile bati, Izaba (Nafarroa) inguruko Belabartze sakatik gertu.

Suhiltzaileak zein osasun-larrialdietako taldea bertaratu dira tokira baina, sarbidea zaila zenez, helikoptero batek hartu du zauritutako behargina azkenean. Hala, Nafarroako Unibertsitate Ospitalera eraman dute eta, jakinarazi dutenez, larriki zaurituta dago. Politraumatismoak ditu.

in AKTUALITATEA

# Lan-istripuak Soldata sistema

Euskal Herriko Etxebizitza Sindikatu Sozialista aurkeztuko dute ekainaren 10ean, Bilbon

Joan den asteazkenean Bilbon egin zuten protesta bat Euskal Herriko Kontseilu Sozialistetako Etxebizitza Sindikatuek, Etxebizitza Lege berriaren "mugak eta erabilera elektoralista" salatzeko. Elkarretaratzearen amaieran iragarri zuten urrats bat egin eta izaera nazionaleko Etxebizitza Sindikatu bat sortuko dutela; ekainaren 10ean izango da aurkezpen-ekitaldia, Ibarrekolanda institutuan.