Maravillas gaztetxeko 22 auzipetuak absolbitu dituzte

Sare sozialen bidez jakinarazi du Maravillas gaztetxeak absolbitu egin dituztela urriaren 17an epaitu zituzten 22 kideak. Dena den, esan dute "hau oraindik ez dela bukatu", eta informazio gehiago emango dutela iragarri dute.

Urriaren 17an izan zen Iruñeko (Nafarroa) Maravillas gaztetxeko 22 kideen, eta finean,Maravillas gaztetxearen aurkako epaiketa. 100.000 eurotik gorako isunak eta prozesu judizial bat zuten begien aurrean auzipetuek, usurpazio delitua egotzita.

Epaiketa egin eta egun gutxira, atzo, jakinarazi zuten epaiaren sententzia: absolbitu egin dituzte Maravillaseko 22 kideak. Gaztetxeak sare sozialen bidez eman du albistearen berri, eta bide batez, "eskerrak" eman dituzte jasotako elkartasun eta babes guztiagatik. Izan ere, ez dira gutxi izan Euskal Herri osoan Maravillasen alde egin diren ekimenak.

Hala ere, mezu berean adierazi dute "hau oraindik ez dela bukatu", eta laster informazio gehiago egongo dela ere iragarri dute.

in AKTUALITATEA

Mobilizazioak izango dira Euskal Herriko hamaika txokotan, Kataluniako langileriari "klase elkartasuna" adierazteko

Espainiako Estatuaren "errepresioaren aurrean", "borrokan direnei klase elkartasuna" adieraziko diete datozen egunetan Euskal Herriko hainbat herri, ikastetxe eta campusetan, "langile batasuna" ardatz. Gazte Koordinadora Sozialistak, Ikasle Abertzaleek zein eragile lokalek egin dituzte deialdiak. Ehunka zauritu eta atxilotu izan dira Katalunian azken egunetako protestetan, eta gutxienez 25 pertsona espetxeratu dituzte.