"Formakuntzan eta eztabaidan" aritu ondoren heldu diote eraikinaren birjabetzeari, eta orain, "proiektua sozializatzea eta merezi duen sakontasunez lantzea" ezinbestekoa dela diote. Hala, proiektuaren oinarria klase elkartasuna izanik, parte hartzeko eta hurbiltzeko dei egin dute, Larrauneko desjabetuei, bereziki: "Zu, etxekoandre, fabrikan orduak pasatzen dituzun langile, ikasten gainditu ezinik edo emaitza bikainak ateratzen dituzun ikasle, etxean zauden amona eta berarekin zauden zaintzaile, zure lurraldea atzean utzita gurera etorri zaren adiskide, disfrutatzeko mozkorrak jasan behar izaten dituzun zerbitzari, etxetik alde egin ezin duzun gazte, lan finkorik gabeko, edozein baldintzetan zure denbora saltzera behartutako langile… Zure argi izpiak osatuko du printza! Gure arteko elkartasunaren bidez irekiko ditugu ateak!".
Printza gune autogestionatua birjabetu dute Lekunberrin
Larraunen ere badute Langile Kontrol Espazio berri bat. Atzo, igandea, bertso-trikipoteo baten ostean ireki zituzten Larraungo udaletxe zaharreko ateak. "Helburu handiagoak lortzeko pauso" modura definitu dute euren "kontrolpeko tresna" berria.