Sopelan gutxienez hiru pertsona atxilotu ditu Espainiako Poliziak

Laugarren pertsona bat atxilo eramaten ere saiatu dira. Dirudienez, joko-aretoen aurkako hainbat ekintzatan parte hartzea leporatzen diete. Arratsaldean askatu dituzte hiru atxilotuak.

Gaur, uztailaren 22an, Espainiako Poliziak gutxienez hiru pertsona atxilotu ditu Sopelan (Bizkaia). Goizean goiz izan dira atxiloketak, eta laugarren lagun bat eramaten ere saiatu dira polizia-agenteak. Hark, ordea, epaitegiek helarazitako zitazioa erakutsi die, eta azkenean ez dute atzeman.

Ustez, joko-aretoen aurkako zenbait ekintzaren harira egin dituzte atxiloketak; "kalte jarraituak" delitua egozten diete. Indautxuko (Bilbo, Bizkaia) polizia-etxera eraman dituzte hiru atxilotuak, baina aske geratu dira arratsaldean.

in AKTUALITATEA

# Errepresioa

Zumaiako etxez etxeko laguntza zerbitzuko langileek mobilizazioak abiatu dituzte, lan-baldintzak hobetzearen alde

Bi elkarretaratze egin dituzte dagoeneko, sektoreko beharginen hitzarmen kolektiboa berritzea helburu. "Langileek gaur egun dituzten lan-baldintzen erantzukizun politiko zuzena" egotzi diete Zumaian agintean izan diren udal gobernuei. Lau urte daramatzate Eulen enpresarentzat lanean, baina zerbitzuaren kudeatzaileak ez die euren eskaerei jaramonik egin.