Bilbon (Bizkaia) bortxaketa baten berri eman dute orain dela egun gutxi. Emakume bat drogatu eta bortxatu zuen gizon batek, eta erasotzailea nor den ere jakinarazi dute: Bilboko Alde Zaharreko Ormaetxe tabernako nagusia da.

Taberna bereko lan-gehiegikeriak salatu zituzten iaz hango langileek eta Bilboko Langile Autodefentsa Sareak. Besteak beste, "egiatan egindako lan-orduak islatzen ez zituzten kontratuak, komunikazio falta eta ostalaritzaren itxieraren osteko erabateko babesgabetasun egoera" jasan zituzten Ormaetxeko beharginek.